اهلي طرابلس
انت غير مسجل في منتدى الاهلي طرابلس للتسجيل الرجاء الضغط على كلمة التسجيل

اهلي طرابلس


 
الرئيسيةالتسجيلدخول
الى جميع اعضاء المنتدى .....الرجاء التقيد و الانتباه عند وضع المواضيع ...الرجاء وضعها في الاقسام المناسبة لها ...على سبيل المثال ..منتدى الالعاب والفرفشة مخصصة للفرفشة والتسالي والالعاب والترويح عن النفس ....وليست للمواضيع العامة والنقاش ...فالرجاء الالتزام ...وشكرا لجهودكم ...الادارة
المواضيع الأخيرة
أفضل 10 أعضاء في هذا المنتدى
الاهلي نادي القرن - 1050
 
ريو دلوعة - 1045
 
اهلي حر - 171
 
فلايشه موت - 107
 
ياسمين - 96
 
الاهلاوي توتو - 92
 
اهلاوى ديما - 85
 
اهلى حتى الموت - 67
 
REHAB - 63
 
الاهلاوى عمر - 52
 
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
بحـث
 
 

نتائج البحث
 
Rechercher بحث متقدم
منتدى
التبادل الاعلاني
احداث منتدى مجاني
pubarab
تصويت
سحابة الكلمات الدلالية
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 نكت ههههههه

اذهب الى الأسفل 
كاتب الموضوعرسالة
الاهلي نادي القرن
مدير عام
مدير عام
avatar

ذكر
العمر : 26
المزاج : كويس
جنسيتك : ليبيا
نقاط التميز : 10
تاريخ التسجيل : 09/05/2009

مُساهمةموضوع: نكت ههههههه   الأحد مايو 10, 2009 12:18 pm

بسم الله الرحمان الرحيم

اليوم جايبلكم نكت حلوه يلا نبدا

1-
واحد دار سلاطة بلا زيت فوزت

..........................................

2-
واحد طلب قهوة لقاها مخطوبة

.......................................

3-
واحد بيبني مستقبله نقصاته بلكة
..................................
4-
واحد جاته الزكمة ملقاتاش
.....................................
5-
واحد حط إيده على فم كبده نتشاته
.................................
6-
واحد خش في موضوع كسره
................................
7-
واحد قدم شكوة عطوه لبن
..............................
8-
واحد جري فيه الدم جابها الأول
............................
9-
واحد داروله عملية مفهمهاش
............................
10-
واحد وقفاته المطر شد علاها موس
.................................
11-
واحد عيونه ضيقات فتحهم على بعض
..............................
12-
واحد سكر دماغه على صوابع ولده
...............................
13-
وحد وسع باله درسوله فيه طانطة
..........................................
14-
واحد شري حوش عربي داروله تكة



....................................
15-
واحد بات برة ولى قارص

.........................................

16-
واحد حوشه يقطر شداته الشرطة


......................................
17-
واحد أحول ماتت أمه بكي علي خالته
.......................................
18-
واحد شده الضو تعشى عنده
......................................
19-
واحد بطنه كبيرة ساقها برخصة ثانية
...................................
20-
واحد أخلاقه عالية ركبوله بسلوم
.................................
واحد طاح في حفرة تزوجها
.................................
22-
واحد سعته موخرة رقدها ببلكة
...........................
23-
واعد كمل قرايته ولى علي قراية خوه
...............................
24-
واحد رفع معنويات خوه طاحو عليه
.............................
25-
واحد سكر دماغه نقزوله من ودانه
...............................
26-
واحد لبسوله قضية جاته واسعة
.........................
27-
واحد زمط محاية مسح ذكرياته
..........................
28-
واحد زمط مرشة جرح شعوره
..........................
29-
عزوز بتوسع خاطرها تشرك منها
.............................
30-
واحد بيفتح صفحة جديدة لقاها مشركة
...........................
31-
واحد بقص الطريق رفع معاه مقص
...............................
32-
واحد بيمشي للزاوية رفع معاه منقلة
..............................
33-
واحد بوه واصل مزقه

............................
34-
سكــران صلى بروحه فاتته ركــــــعة

................................
35-
واحد خاطم من الشارع يسمع في التخبيط طاق طيق اوصل لي راس الشارع
القي الجماعة بلعبو في كارطة بالزينــقوات يعني الحديد
.....................................
36-
واحد سكران طينة امعكس في الشارع في الليل القي سوادني شاد شكاير (نايلون)
كناسة قاله ربي ايصون
..............................
37-
سكران خاطم من قدام عزاء .. حالة وفاء يعني قال الي اهل الميت ما فيش
امل يرجـــع
.......................................
38-
في شيباني ليبي امشي من سيربح المليــون امش سأله جورج قرداحي قاله
من جاي معاك ,,, الشيباني قاله أمـــي ,, امشي جورج قرداحي قاله عنــجد
أمـــك ,,(يعني بجديات).. قاله الشيباني عنجـــد بـــــوك
..............................
39-
واحد طاح من فوق الحيط قالوله جاتك سليمة قاللهم قوللها اتخش
المربوعة توا انجي
...........................
40-
سكران طاح من فوق عمارة قالوللــه لابس شنو صار قاللهم و الله ما ني
عارف حتى اني كيف واصل
................................
41-
واحـــد قتله الابلة ارسم فيل امشي ارسملها نقطة قتله وين الفيـــل يا
فرخ ..قاللها ما اتشوفيش فيه جاي من بعيد
...............................
42-
في مصري امشي للجزار قاله اعطيني لحمة بجنيـــه قاله الجزار هاك الحس
الشيـــــتة
...................................




الرجوع الى أعلى الصفحة اذهب الى الأسفل
الاهلي نادي القرن
مدير عام
مدير عام
avatar

ذكر
العمر : 26
المزاج : كويس
جنسيتك : ليبيا
نقاط التميز : 10
تاريخ التسجيل : 09/05/2009

مُساهمةموضوع: نكت ههههههه   الأحد مايو 10, 2009 12:24 pm

قالك فيه ترهوني و امريكي و انجليزي امدايرين مسابقة من ايجيب اكبر تمسـاح ,,امشي

الامريكي جاب تمساح كبير ,,الانجليزي جاب تمســاح اكبر منــه ,, امشي الترهوني معاش

ارجـع ,, قعدو يستنوا فيه ,, يستنو فيه ,,معاش ولا ,, قالوا احسن شي نمشوا اندورا عليه

قعدوا اديورا عليــه ,, القـــوه واقف قدام تمســاح صغير و ايغنيـله بابا فيـــن

-------------------------------------------------------------------

قالك في ترهـونـة عندهم حفـرة ,,الي يخطم ايطيح فيـها ,, و الطريق من الحفرة للمستشفى بعيدة

يعني ما يوصل للمستشفى ,, لين ايودع ,, قالوا لازم نلقوا حل ,, المهم اتلقطوا اذكى اذكيا

ترهونة ,و ابدوا يفكــرولها ,, بعد عشرة ساعات تفكيـر ,, ناض الفلتة امتعهم ,, قال لهم احسن

شي نردمـــوها ,, و نحفروها جنب المستشفى

--------------------------------------------------------------------------

قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل

ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور

و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط

الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان

---------------------------------------------------------------------

قالك واحد ماشي زردة هوا و مراتـه ,, و باقي الصحاب و القروب ,,, المهم هوا امعكس جاه

واحد قاله ,,خزيه انت امعكس اهني ,, ومراتــك امقعمزة مع واحد ثاني في الغابـة ,,, المهم

امشي الراجل متكنطي ,, بأشوف مراتـه ,, وهوا راجــع ,, ابدي اكلم في روحـه ,,لا حول الله

سبحان الله معاد فيه حد ايـقول الحق بكل ,, القاه صاحبـه قالك خيرك ,, شن صار ,, قال يا

راجل الشعب هدا معاش ايقول الحق بكل ,, ايقولي مراتك مع راجل ثاني في الغابة ,, و هما

كلهم شجــرتيـــن
---------------------------------------------------------------------

قالك واحد بأدير عملية انتحــاريــة ,, خش في زحمــة ,, و انخص روحه بمــوس

---------------------------------------------------------------------

قالك ترهوني امشي لدكتــور نفسي ,, قاله الدكتور خيرك ,, قاله و الله مش عارف يا دكتور

الناس ديما ايقوللي يا كلب ,, يا كلب ,, قاله الدكتــور من امتى الكلام هدا ,, قاله من لما كنت

جروا

-------------------------------------------------------------------------قالك
فيه ضب امشي بيتلقى ,, مع صاحبه الضب الثاني ,, امشي الضب الثاني جايب
معاه

خنفوسـة ,, قاله الضب الاول ,, شن الخنفوسة الي جايبها معاك ,,قاله لا لا,عادي ,, هادي

السرلنكيـة امتـعي

----------------------------------------------------------------------

قالك واحد مصـري ايعيط على واحد فوق العمـارة ,, ايقوله ارمي الحبل , انت يا قدع يا الي

فوق ارمي الحبل ,, امشي جاه واحد قاله انجليزي ما يفهمش فيك ,, كلمه بالانجليزي ,,, قاله

المصري اوكي ,, امشي المصري قال لي الراجل الي فوق( دو سبيك انجلش) الراجل قاله

يس ,, قاله المصري طب ارمــي الحبــل

---------------------------------------------------------

قالك واحد يبي يقطع شارع ستين ,, ما القاشي ,, اقطع شارع ثلاثين مرتين

--------------------------------------------------------------

قالك فيه ثلاث صقور ,, امدايرين مسابقة من ايجيب اكبر فريسة ,, الصقر الاول امشي و ارجع

منقاره دم ,, قال اتشوفو في الارنب الي تحت الشجرة ,, اني الي اقتلتها توا ,, امشي الصقر

الثاني و ارجع ,, ,, وجه دم ,, قال اتشوفو في الغزال الي تحت الشجرة ,, اني الي قتلته توا

امشي الثالث و ارجـع ,, كله دم ,, حاله ,, قال لهم اتشـوفو في البالوا الي غـادي ,, قالو له

ايـه ,, قال لهم امــه اني ما شفتاش ,, خش في البالوا

---------------------------------------------------------------

قالك في عشرة تراهنة امسافرين امريكا ,, يبوا يتعلمو يربطوا الكرواطـة ,, تسعة انخنقوا ماتو

و واحد في العنــايــة المشددة

------------------------------------------------------------

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان

ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع

---------------------------------------------------------------

قالك في واحد ترهــوني انزل يتمــشى ,, القي روحــه على حدود مصـر

------------------------------------------------------------

قالك في زوز تراهنـة امسافرين مصر ,, بالباص امتع دورين ,, المهم واحد اركب فوق وواحد

لوطى ,, بعد وقت الي الدور الفوقي ,, نزل راسه ايكلم في صاحبه الي لوطى ,, قاله شنو

وين وصلتـوا ,, قاله اهو ,, قريب نوصلوا بوابـة مسـاعد ,, قاله تي باهي امليـح ,,احني

سواقنا قاعد ما جــاش يا راجــل

--------------------------------------------------------------

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال

للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ

في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم

يا الي عندك هلبة صــوف ,, على اساس ينفخ فيـه

-------------------------------------------------------------------

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على

يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج

مش ادير فليتشـا ,, قاله الشيباني مش عارف امها ماشيـة للســوق

---------------------------------------------------------------------

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف

شوية ,, ايشوف الحمار اشبحله ,, يمنع ,, الحمار استغرب و ايشدها في جـرته

و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,,

قالك الاسـودة يلعبـوا حصـلة في الري من يجيب حمــــار حي

-----------------------------------------------------------------

قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب

اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,,

جوه الشـرطــة ,, القـــوه راكب في السيارة من الكــرسي التلاني

-----------------------------------------------------

قالك واحد شاري سيارة جديدة ,, المهم امشي بيها العمل ,, و هوا نازل ارفع المسجل في ايده

و خلى ورقة على مرش السيارة,, الرجاء عدم كسر زجاج السيارة ,, المسجل معي

امشي و هوا طالع ,, ما القاش السيارة و القي ورقة على المرشبيدي مكتوب فيها ,, حتى اني

نبي الســيارة ما نبيش المسجــل


عدل سابقا من قبل الاهلي نادي القرن في الإثنين مايو 11, 2009 8:09 am عدل 1 مرات
الرجوع الى أعلى الصفحة اذهب الى الأسفل
ريو دلوعة
مؤسسة المنتدى
مؤسسة المنتدى
avatar

انثى
العمر : 23
المزاج : عادي
جنسيتك : ليبيا
نقاط التميز : 100
تاريخ التسجيل : 20/12/2008

مُساهمةموضوع: رد: نكت ههههههه   الأحد مايو 10, 2009 12:52 pm

يهبلو منور ياصقع

_________________


https://redcdn.net/ihimizer/img152/8/81820249gp1.gif

©️§¤°^°¤§©️¤ اهل حر ¤©️§¤°^°¤§©️
الرجوع الى أعلى الصفحة اذهب الى الأسفل
http://alahlitrabls.ahlamountada.com
الاهلي نادي القرن
مدير عام
مدير عام
avatar

ذكر
العمر : 26
المزاج : كويس
جنسيتك : ليبيا
نقاط التميز : 10
تاريخ التسجيل : 09/05/2009

مُساهمةموضوع: رد: نكت ههههههه   الإثنين مايو 11, 2009 6:19 am

بوجودك يا صقع
الرجوع الى أعلى الصفحة اذهب الى الأسفل
سرتاوي صقع
اهلاوي جديد
اهلاوي جديد


ذكر
العمر : 38
المزاج : رائق
جنسيتك : ليبيا
نقاط التميز : 10
تاريخ التسجيل : 11/05/2009

مُساهمةموضوع: رد: نكت ههههههه   الثلاثاء مايو 12, 2009 2:36 am

هههههههههههههههههه

والله نكت غير عادية يا غالي تسلم يدك على العرض المميز
الرجوع الى أعلى الصفحة اذهب الى الأسفل
الاهلي نادي القرن
مدير عام
مدير عام
avatar

ذكر
العمر : 26
المزاج : كويس
جنسيتك : ليبيا
نقاط التميز : 10
تاريخ التسجيل : 09/05/2009

مُساهمةموضوع: رد: نكت ههههههه   الثلاثاء مايو 12, 2009 6:34 am

شكرا علي المرور الاكثر من رائع ياغالي

_________________

ديروا موجة لما تفوزوا
وديروا هياجة في الصدارة
لكن محسومة البطولة
باللوائح و الصفارة

الاهلي طرابلس ديما كبير مهما صار ومهما ايصير

نادي الاهلي في قلبي هو الوحيد مع الايام غلاه يزيد




الرجوع الى أعلى الصفحة اذهب الى الأسفل
 
نكت ههههههه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلي طرابلس :: الاهلي طرابلس الترفيهية :: الاهلي للتسلية والمرح والفرفشة-
انتقل الى: