نادى القرن

جيبوا احمد خودوا كارة لكن ماديروش ادارة

زي اللي جاب ثريات ومافي قابينة وأنارة

الادارة ايشكلها خصمي ويمشي فيها بالاشارة

ديروا موجة لما تفوزا وديروا هياجة بالصدارة

لكن محسومة البطولة باللوائح والصفارة

وجابوا حاكم من دمشق قبل دقيقة من المبارة

السوادي حط امبية القي حاكم من باب الحارة

زعمة جاهم في صاروخ ولا جاهم في طيارة

ولاجاهم عبر النت فعلا واكبنا الحضارة

بعتة الاتحاد السوري ولا بعتاتة السفارة

قالوا اللي جابة قريميدة
قريميدة امتاع الصوارة

تعالوا شوفوا الدوري الليبي متعه وتشويق اثارة

لما تخسر ابكي واشكي واطعن تعاد المبارة

دوري تبيعو وتشرو فيه
رياضتنا ولت تجارة

وتبوا تخشوا كاس العالم هلبة فيكم كاس جفارة

ومهما تديروا الاهلي كبير والاهلي في الكورة منارة

اول دوري واول كاس
واول نجمة عن جدارة

زعيم الكورة الليبية نادي القرن الفيفا اختاره

مش نادي ما قام حديدة من الثورة لعام الغارة..

للامانة منقول من صحيفة الأهلي بمنتديات كوورة